Tastaturowy layout
Tudejšy specialny tastaturowy layout pśizwólijo pisaś dolnoserbski abo górnoserbski na kuždej tastaturje. Rěd tastow jo ten samy ako w engelskej (US English) tastaturje; jolic njejo tasta Alt wutłocona, pišo se jadnak ako na normalnej engelskej tastaturje.
Wašnja pisanja serbskich pismikow jo ako w pólskem tastaturowem layouśe: dej źaržaś pšawu tastu Alt a wutłocyś tastu, do kótarej dej akcent hyś. Pópšawem jo był toś ten tastaturowy layout natwarjony z pólskego layoutu, dla togo pismiki, kótarež su jadnake w pólšćinje a dolno/górnoserbšćinje, pišo se jadnak. Jolic pismik móžo dwa akcenta měś, pismik kótaryž jo w pólšćinje dostanjoš gaž Alt+pismik wutłocyjoš, drugi pismik dostanjoš gaž wutłocyjoš Alt a jadnu tastu napšawo. Na pśikład, aby dostaś ć musyš Alt+c wutłocyś, aby dostaś č musyš Alt+v wutłocyś. Pótakem, aby dostaś wjelike pismiki Ć a Č musyš wutłocyś Alt+Shift+c a Alt+Shift+v.
Pśeglěd tastow w normalnem stawje
Pśeglěd tastow gaž tasta Alt jo wutłocona
Instalacija za Microsoft Windows
Wóloduj installer za Windows. Glědaj instrukciju za tastaturowe layouty. Dodaj rěc 'Serbian (latin script)' a wubjeŕ layout 'Upper/Lower Sorbian - Custom'.
Instalacija za Linux
Wuloduj dataju z layoutom. Kopěruj ju do /usr/share/X11/xkb/symbols (abo /etc/X11/xkb/symbols). Editěruj /usr/share/X11/xkb/rules/xorg.lst a pód ! layout staj dsb Dolno/Gornoserbski. Pśidaj teke dolnoserbski layout do xorg.xml w tom samom zapisu tak, ako tam stoj "Andorra".
Pótom, jolic wužywaš KDE, musyš dodaś dolnoserbski do lisćiny rěcy šaltera tastaturowych layoutow. Źi do System settings → Language and regional settings → Keyboard layout.
Wěcej cytaś: